شیوراج نے مقررہ کیا ایم پی کو کورونا سے آزاد کرانے کا نشانہ

بھوپال ، 22 مئی : مدھیہ پردیش کے وزیر اعلی شیوراج سنگھ چوہان نے آج کہا کہ ریاست میں کورونا کی صورتحال قابو میں آگئی ہے ، لیکن ساتھ ہی انہوں نے متنبہ کیا کہ اس کے باوجود ذراسی سی لاپروائی سے ایک بار پھر حالات قابو سے باہر جاسکتے ہیں۔

مسٹر چوہان نے اشارہ دیا کہ اگر اس طرح سے حالات قابو میں رہے تو یکم جون سے آہستہ آہستہ کورونا کرفیو میں ریلیف دیا جاسکتا ہے۔ لیکن اس دوران مقامی حالات کو ذہن میں رکھ کر فیصلہ کیا جائے گا۔
مسٹر چوہان نے ویڈیو کانفرنسنگ کے ذریعے کورونا سے متعلق ایک اہم میٹنگ کے ذریعے ریاست کےعوامی نمائندوں اور عہدیداران سے خطاب کیا۔

مسٹر چوہان نے کورونا ٹیسٹنگ میں مزید اضافہ کرنے کی ضرورت پر زور دیتے ہوئے کہا کہ 31 مئی تک ریاست کے تمام 52 اضلاع کوکورونا سے آزاد کرنے کی کوششیں کی جانی چاہئے۔ اگرچہ کچھ معاملات سامنے آسکتے ہیں ، لیکن ابھی تک جس طرح سے ہم نے کوشش کی ہے اور کورونا کو اب تک کنٹرول کیا ہے ، اسی طرح کام کرکے 31 مئی تک اضلاع کو کورونا سے آزاد کیا جاسکتا ہے۔

مسٹر چوہان نے کہا کہ کورونا وائرس بہروپئے کی مانند ہے۔ یعنی اس کی نوعیت کا اندازہ لگانا مشکل ہے۔ اس کے معاملات کم ہوتے ہوتے اچانک سے بڑھ سکتے ہیں۔ انہوں نے کہا کہ انتظامیہ، عوامی نمائندے اور عام شہری سماجی دوری پر عمل کریں ، بہتر معیار کے ماسک لگایئے اور کورونا کےمناسب طرز عمل پر عمل کریں تو کورونا کو آسانی سے بڑھنے سے روکا جاسکتا ہے۔