حیدر آباد: حیدر میں واقع مولانا آزاد نیشنل اردو یونیورسٹی نےمحمد جابر کو پی ایچ ڈی کی ڈگری تفویض کی ہے۔ ڈاکٹرمحمد جابر شعبہ اردو کے طالب علم ہیں اور انھوں نے ”ترقی پسند خواتین کے افسانوں میں نسائی حسیت کا تنقیدی تجزیہ“ کے عنوان سے اپنا تحقیقی مقالہ مکمل کیا۔ ان کے نگراں پروفیسر نسیم الدین فریس رہے۔ پروفیسر نسیم الدین فریس اردو مخطوطات پر گہری نظر رکھتے ہیں اور اس عنوان سے ان کی کئی تحریریں منظر عام پر آ چکی ہیں۔ ڈاکٹر محمد جابرنے اپنےپی ایچ ڈی کے مصاحبہ میں پوچھے گئے سوالات کا بہ حسن وخوبی جواب دیاجس پر وہاں کے موجود اساتذہ اور اسکالرز نے ان کی تعریف کی ۔ وہ شعبہ کے ہونہار اور قابل طلبہ میں شمار کئے جاتے ہیں اور ہر دلعزیز رہے ہیں۔ ان کی اس کامیابی نے ان کے اساتذہ ، دوست اور دیگر حضرات نے انھیں مبارکباد پیش کی۔
