9807694588
اپنے مضمون كی اشاعت كے لئے مندرجه بالا ای میل اور واٹس ایپ نمبر پر تحریر ارسال كر سكتے هیں۔
چشمہ فاروقی دہلی
کیا بتائوں بقا فنا کیا ہے
ابتدا کیا ہے انتہا کیا ہے
سب کے چہرے اڑے اڑے سے ہیں
آخر اس شہر کو ہوا کیا ہے
میں ہوں مجرم تو دے سزا مجھ کو
فیصلہ کر کے سوچتا کیا ہے
سب ہی پڑھتے ہیں غور سے اس کو
میرے چہرے پہ کچھ لکھا کیا ہے
مجھ کو منظور ہر سزا تیری
یہ بتا دے میری خطا کیا ہے
وقت رخصت چشمہؔ وہ آکر
پوچھتے ہیں کہ مدعا کیا ہے
