9807694588
اپنے مضمون كی اشاعت كے لئے مندرجه بالا ای میل اور واٹس ایپ نمبر پر تحریر ارسال كر سكتے هیں۔
ڈاکٹر مینا نقوی
مراداباد
تو کہاں ہے نہاں اے ستارہ نما
تجھ کو ڈھونڈوں کہاں اے ستارہ نما
تیرہ شب کا مری تو ہی مہتاب ہے
تو مرا آسماں اے ستارہ نما
یہ دھنک رنگ غنچے کلی خوشبوئیں
تو ہے ان سے عیاں اے ستارہ نما
تو نہیں تو مناظر بھی بے جان ہیں
کچھ نہیں یہ سماں اے ستارہ نما
دل کی دھڑکن میں سانسوں میں تو ہی مکیں
تو ہی میرا جہاں اے ستارہ نما
دل پہ طاری ہے کیوں خوف سا دم بدم
کون ہے درمیاں اےستارہ نما
غم کی موجوں میں طوفان سا ہے بپا
درد ہے بیکراں اے ستارہ نما
تجھ سے وابستہ مینا کی ہے شاعری
شعر کرجاوداں اے ستارہ نما
