9807694588
اپنے مضمون كی اشاعت كے لئے مندرجه بالا ای میل اور واٹس ایپ نمبر پر تحریر ارسال كر سكتے هیں۔
عرفان عابدی غازیپور
کیوں ہماری قسمت میں ہچکیاں نہیں کوئی
ہم کو یاد رکھنے کو کیا یہاں نہیں کوئی
درد و اشک نے رکھا میرے حال کو مخفی
بات یہ غلط ہے کہ رازداں نہیں کوئی
قتل ہم کو کر کر کے چپ کرائے جاتے ہو
بولتا لہو بھی ہے بے زباں نہیں کوئی
بات کرکے اپنے میں خود کو جانچ لیتاہوں
یہ ہنر ہمارا ہے شوخیا ں نہیں کوئی
راستے بدلنے کے ہم کبھی نہ تھے قائل
اب ہماری راہوں میں سختیاں نہیں کوئی
تو گرا فلک شبنم بام پہ غریبوں کے
انکی خشکسالی پر مہرباں نہیں کوئی
یار زندگی مجھ کو ایسے موڑ پہ لائی
دھوپ ہے قیامت کی سائباں نہیں کوئی
