ماہرین کا کہنا ہے کہ یورپ میں 10،15 سال بعد سڑکوں پر بجلی سے چلتی گاڑیوں کا راج ہوگا۔
یورپی ماہرین کے مطابق آئندہ 6،7 سالوں میں الیکٹرک گاڑیوں کی تیاری پر فیول اورگیس سے چلنے والی گاڑیوں سےکم لاگت آئےگی اور یورپ میں 10،15 سال بعد 100 فیصد خریدار بجلی سے چلنے والی گاڑیوں کے ہی ہوں گے۔
کاربن ڈائی آکسائیڈ کے اخراج میں کمی کے لیے یورپی یونین کی ہدایات کے پیش نظرکارساز ادارے برقی اور ہائبرڈ گاڑیاں بنانے پر توجہ دے رہے ہیں۔
ماہرین کا کہنا ہے کہ آنے والے دنوں میں بجلی سے چلنے والی گاڑیاں بنانا مزید سستا ہوجائے گا جس کے باعث ان کاروں کی مقبولیت اور فروخت میں اضافہ ہوگا۔
برطانیہ نے بھی ماحولیاتی مسائل سے نمٹنے کے لیے 2035 کے بعد پیٹرول، ڈیزل اور ہائبرڈ گاڑیوں کی فروخت پر پابندی کا اعلان کیا ہے۔
Also read