9807694588
اپنے مضمون كی اشاعت كے لئے مندرجه بالا ای میل اور واٹس ایپ نمبر پر تحریر ارسال كر سكتے هیں۔
شاکر حسین اصلاحی
جن کے ذہنوں میں حق بیانی ہے
ان کی دنیا پہ حکمرانی ہے
عقل کا بھی مقام ہے لیکن
دل محبت کی راجدھانی ہے
ایک درویش نے کہا ہم سے
درد و غم پیار کی نشانی ہے
عمر یوں ہی نہیں کٹی ساری
ہم نے صحرا کی خاک چھانی ہے
روز کرتی ہے اک سوال نیا
یہ جو تصویر اک پرانی ہے
خشک آنکھیں ہیں یہ سمجھتے ہو
ان میں دریاؤں کی روانی ہے
پیار مذہب جہاں پہ ہو سب کا
ایسی بستی ہمیں بسانی ہے
جن کے سر پہ دعائیں ہوں شاکر
ان کے قدموں میں کامرانی ہے
