9807694588
اپنے مضمون كی اشاعت كے لئے مندرجه بالا ای میل اور واٹس ایپ نمبر پر تحریر ارسال كر سكتے هیں۔
فراز رضوی
خود اپنے آپ سے جب تک کہ آشنائی نہ تھی
تری خدائی میں میں نے شکست کھائی نہ تھی
سراب جاں کے تعاقب میں تشنہ کام رہے
فریب دشت خودی میں کہیںترائی نہ تھی
رگ حیات میں رہتا تھا وہ مگر مجھ پر
کسی نے شرک کی تہمت کبھی لگائی نہ تھی
دیا اسی سے جلتا ہے آفتاب کا روز
وہ دل کی آگ جو میں نے کبھی بجھائی نہ تھی
میں ساتھ ساتھ زمانے کے چل نہیں پایا
ہزار عیب سہی مجھ میں بے وفائ نہ تھی
وہ میری جرأت انکار کا نتیجہ تھا
کہ سرفرازی کو نیزے پہ خود تمائی نہ تھی
تھے عہد رفتہ سے پیوست سب مرے آثار
فرازؔ وہ جو خموشی تھی، بے نوائی نہ تھی
