دبئی ہندوستان کے کپتان وراٹ کوہلی کو بین الاقوامی کرکٹ کونسل (آئی سی سی) کی دہائی کا بہترین کھلاڑی اور ون ڈے کرکٹر کے ایوارڈ کے لئے منتخب کیا گیاہے جبکہ سابق کپتان مہندر سنگھ دھونی کو آئی سی سی نےکھیل جذبہ کے ایوارڈ سے سرفراز کرنے کا اعلان کیا ہے۔
آئی سی سی نے پیر کے روز ٹویٹر پر یہ اطلاع دی۔ آئی سی سی نے بتایا ’’ وراٹ کوہلی نے آئی سی سی کی دہائی کے بہترین کھلاڑی ہونے کا سرگارفیلڈ سوبرس ایوراڈ جیت لیا ہے۔‘‘
وراٹ نے اس دہائی میں بین الاقوامی کرکٹ کے سبھی فارمیٹوں کو ملا کر سب سے زیادہ 20396 رن بنائے ہیں۔ وراٹ نے دہائی میں سب سے زیادہ سنچری اور نصف سنچری بنانے کا اعزاز بھی اپنے نام کیا ہے۔ وراٹ نے اس دوران 66 سنچری اور 94 نصف سنچری مکمل کی۔ 70 سے زائد اننگز کھیلنے والے کرکٹروں میں ان کا اوسط بھی زیادہ 59.97 رہا۔ اس کے علاوہ وراٹ کوہلی 2011 کا ون ڈے عالمی کپ جیتنے والی ٹیم انڈیا کا بھی حصہ رہے۔
آئی سی سی نے وراٹ کو دہائی کا بہترین ون ڈے کرکٹر بھی منتخب کیا ہے۔ اس دہائی میں وراٹ واحد ایسے کھلاڑی ہیں جنہوں نے اس دوران ون ڈے کرکٹ میں 10 ہزار سے زائد رن بنائے ہیں۔
جاری