حیدرآباد: تروملا میں درشن کے بعد بنگالورو واپسی کے دوران اے پی کے ضلع چتور میں پیش آئے سڑک حادثہ میں دوخواتین،ایک لڑکی ہلاک اور دیگر پانچ شدید زخمی ہوگئے۔یہ حادثہ ہفتہ کی صبح کی اولین ساعتوں میں ضلع کے نیدراگٹہ علاقہ میں اُس وقت پیش آیا جب تروپتی سے بنگالورو جانے کے دوران ان کی وین کو تیز رفتار لاری نے ٹکر دے دی۔حادثہ اتنا شدید تھا کہ تین افراد موقع پر ہی ہلاک ہوگئے اور مزید پانچ شدید زخمی ہوگئے۔زخمیوں میں ایک کی حالت تشویشناک بتائی جاتی ہے۔اطلاع ملتے ہی پولیس وہاں پہنچی جس نے زخمیوں کو علاج کے لئے اسپتال منتقل کیا۔ مہلوکین میں 80سالہ راجماں،60سالہ انناپورنا اور14سالہ لڑکی شامل ہیں۔ان تمام کا تعلق کرناٹک کے ننگری منڈل کے تونڈاپلی سے ہے۔
Also read