كووڈ -19:روسی خلائی ایجنسی کی بین الاقوامی میٹنگیں منسوخ

ماسکو، 18 مارچ (اسپوتنك) دنیا میں کورونا وائرس کے بڑھتے ہوئے کیسز کے پیش نظر روس کی خلائی ایجنسی ’روسكوسموس‘ نے آئندہ کچھ ہفتوں تک احتیاطا غیر ملکی حکام کے ساتھ کسی بھی قسم کی میٹنگ نہ کرنے کا فیصلہ لیا ہے۔روسكوسموس کے ڈائرکٹر دمتری روگوزن نے ٹوئٹ کر کے یہ اطلاع دی۔

مسٹر روگوزن نے کہا’’اگلے چند ہفتوں کے لئے غیر ملکی حکام کے ساتھ ہونے والی ہماری تمام بین الاقوامی میٹنگیں منسوخ کر دی گئی ہیں‘‘۔

روسی خلائی ایجنسی نے اپنے افسران کے بیرون ملک جانے پر پابندی بھی لگا دی ہے۔روس میں کورونا وائرس (كووڈ -19) سے متاثرہ لوگوں کی تعداد منگل کو بڑھ کر 114 ہو گئی۔

قابل غور ہے کہ چین کے صوبہ ہبوئی کے دارالحکومت ووہان سے پھیلنے والا جان لیوا کورونا وائرس کی زد میں اب تک دنیا کے 150 سے زائد ملک آ چکے ہیں۔ عالمی ادارہ صحت (ڈبلیو ایچ او) نے کورونا وائرس کے بڑھتے خطرات ے کے درمیان اسے عالمی وبا قرار دیا ہے۔