9807694588
اپنے مضمون كی اشاعت كے لئے مندرجه بالا ای میل اور واٹس ایپ نمبر پر تحریر ارسال كر سكتے هیں۔
اشتیاق ساحل
شوق تھا جس کو بہت دستار کا
وہ قصیدہ خواں ہوا سرکار کا
میری حاجت پورا کرتا ہے خدا
رخ نہیں کرتا کسی دربار کا
آپ کو عزت ملے گی ہر جگہ
صاف رکھئے آئینہ کردار کا
تھی انا میری مجھے جاں سے عزیز
کیسے سودا کرتا میں معیار کا
اس جہاں میں حق پرستوں کے لئے
ہر طرف لشکر ہے اک اغیار کا
کرتے ہیں عزت بہت ہم آپ کی
نام اس کو دیجئے مت پیار کا
ہم نے بھی اپنے قلم سے بارہا
کام ساحل لے لیا تلوار کا
کوچین کیرالا
8583090964
