اوڈیشہ میں کورومنڈیل ایکسپریس مال گاڑی سے ٹکرا گئی

اڈیشہ کے بالاسور ضلع میں آج شام مسافر ٹرین کورومنڈیل ایکسپریس مال گاڑی سے ٹکرا گئی۔ ٹرین میں کئی مسافروں کے پھنسے ہونے کا خدشہ ہے۔ زخمیوں کو ہسپتالوں میں منتقل کر دیا گیا ہے۔ راحت اور بچاؤ ٹیمیں اس مقام پر پہنچ گئی ہیں جہاں کورومنڈیل ایکسپریس مال ٹرین سے ٹکرا گئی تھی۔ اس حادثے میں 179 افراد زخمی ہوئے ہیں۔ 10 زخمی مسافروں کو بالاسور میڈیکل کالج میں داخل کرایا گیا ہے۔ میڈیکل کالج اور بالاسور کے آس پاس کے تمام اسپتالوں کو الرٹ پر رکھا گیا ہے۔

یہ بھی پڑھیں

راہل نے بتایا بی جے پی کو ہرانے کا فارمولا

 این ڈی ٹی وی  نے وزارت ریلوے کے حوالے سے لکھا ہے  کہ ’’تقریباً 8 سے 10 بوگیاں پٹری سے اتر گئی ہیں۔ یہ کسی ٹرین سے تصادم نہیں، مال گاڑی سے بھی کوئی تصادم نہیں ہے۔ یشونت پور تا ہاوڑہ ٹرین ملحقہ ٹریک سے گزر رہی تھی کہ ٹرین پٹری سے اتر گئی۔ دوسری جانب ٹرین کی بوگی پٹری سے اتر گئی اور پھر اسے نقصان پہنچا۔

اوڈیشہ کے بالاسور ضلع میں بہناگا ریلوے اسٹیشن کے قریب کورومنڈیل ایکسپریس ٹرین کے پٹری سے اترنے کے بعد امدادی اور بچاؤ کارروائیوں کے لیے ٹیمیں موقع پر پہنچ گئی ہیں۔ اسپیشل ریلیف کمشنر کے دفتر کے مطابق، بالاسور کے کلکٹر کو تمام ضروری انتظامات کرنے کے لیے موقع پر پہنچنے اور ریاستی سطح سے کسی اضافی مدد کی ضرورت پڑنے پر ایس آر سی کو مطلع کرنے کی ہدایت دی گئی ہے۔

حکام نے بتایا کہ یہ حادثہ شام تقریباً 7.20 بجے بہناگا بازار اسٹیشن کے قریب پیش آیا۔ ٹرین کولکتہ کے قریب شالیمار اسٹیشن سے چنئی سینٹرل اسٹیشن جارہی تھی۔

حکام نے بتایا کہ جمعہ کی شام اڈیشہ کے بالاسور ضلع میں کورومنڈیل ایکسپریس کے چار ڈبے پٹری سے اتر گئے۔

اوڈیشہ فائر سروسز کے ڈی جی سدھانشو سارنگی کو ریسکیو آپریشن کی نگرانی کی ذمہ داری دی گئی ہے۔ اوڈیشہ کے سینئر افسران ہیمنت شرما، بلونت سنگھ، اروند اگروال کے ساتھ ڈی جی فائر سروسز کو انتظامات کی نگرانی کے لیے بہناگا میں ٹرین حادثے کے مقام پر بھیجا گیا ہے۔ این ڈی آر ایف کے تین یونٹ، او ڈی آر اے ایف کے چار یونٹ اور 60 ایمبولینسیں موقع پر بھیجی گئی ہیں۔