پرتاپ گڑھ | اترپردیش میں چھپّر میں لگی آگ کے سبب ایک معصوم بچی کی موت ، تین جھلسے

پرتاپ گڑھ ۔17 مارچ (یواین آئی) اترپردیش میں پرتاپ گڑھ ضلع ہیڈکواٹر سے ستّر کلو میٹر دور تھانہ مانکپور علاقے کے گوتنی قصبہ میں دوپہر ایک چھپّر والے گھر میں آگ لگ گئی جس کی زد میں آنے سے ایک معصوم بچّی کی جھلس کر موت ہوگئی ،جبکہ اس بچی کو بچانے کی غرض سے آئے تین افراد جھلس گئے ۔

ایس ایچ او دودھناتھ یادو نے بتایا کہ گوتنی قصبہ کے سندیپ سونکر کے چھپّر والے گھر میں آج دوپہر اس کی بیٹی لکشمی جس کی عمر محض برس تھی، جھلس کر موت ہوگئی۔اس کو بچانے آئے اقبال ، شانو، و ننبھیا سمیت چاروں شدید جھلس گئے ۔گاوں والوں نے آگ پر قابو پایا ۔ اطلاع ملنے پر فوراً علاج کیلئے چاروں کو مقامی اسپتال لایا گیا ۔جہاں ڈاکٹروں نے لکشمی کی حالت نازک دیکھتے ہوئے پریاگ راج ریفر کر دیا ۔پریاگ راج لے جاتے وقت راستہ میں لکشمی کی موت ہوگئی ۔وہیں تینوں زخمی زیر علاج ہیں ۔لاش کو پوسٹ مارٹم کیلئے ضلع اسپتال بھیجا گیا۔