ترک صدرکا اسرائیل کے وحشیانہ مظالم پر عالمی برادری کی بےحسی پر اظہار افسوس
ترک صدرجب طیب اردوان نے اسرائیل کے وحشیانہ مظالم پر عالمی برادری کی بےحسی پر اظہار افسوس کیاہے۔
ترک صدرکا کہناہے سیاسی مفاد کیلئے چپ رہنے اور آنکھ بند کرنےوالےجان لیں ایک دن وہ بھی اسرائیلی مظالم کا نشانہ بن سکتےہیں۔ انہوں نے کہا کہ ترکی خطےمیں امن کی کوششوں میں ہر ممکن تعاون کیلئےتیار ہے۔
ان کا کہنا تھا کہ مقبوضہ بیت المقدس تمام عالم کا مشترکا تاریخی اثاثہ ہے،فلسطینی شہروں اور القدس میں برپا اسرائیلی مظالم کے خلاف آواز اٹھانا ناموس انسانیت کا فرض ہے۔
ترک صدرجب طیب اردوان نے اپنے بیان میں کہاہے کہ اسرائیلی دہشتگرد ریاست نےانسانیت سوزی کی تمام حدیں عبور کر لی ہیں۔ فلسطین ،مقبوضہ بیت المقدس میں ہونےوالےمظالم پرفوری آواز اٹھانی چاہیئے۔ انہوں نے کہا کہ مقبوضہ بیت المقدس میں مسلمانوں،عیسائیوں،یہودیوں سب کیلئے مقدس مقام ہے۔
انہو ں نے مزید کہا کہ اقوام متحدہ کو علاقے میں امن وامان بحال کرنےکیلئےاقدامات اٹھانےچاہیئے جبکہ اوآئی سی اگر ٹھوس اقدامات نہ اٹھاپائی تو یہ اس کی موجودگی کی نفی کےمترادف ہوگا۔
