حیدرآباد: ہندوستانی محکمہ موسمیات نے انتباہ دیا کہ تلنگانہ میں بعض مقامات پر سردی کی لہر کی برقراری کا امکان ہے۔اقل ترین درجہ حرارت امکان ہے کہ ریاست کے بعض مقامات پر معمول سے تین تا چارڈگری کم ہوگا۔تلنگانہ اسٹیٹ ڈیولپمنٹ پلاننگ سوسائٹی کے مطابق ضلع عادل آباد کا سونالہ منڈل میں اقل ترین درجہ حرارت9.2ڈگری سلسیس درج کیاگیا جبکہ سنگاریڈی ضلع کے بی ایچ ای ایل میں درجہ حرارت 12.1ڈگری درج کیاگیا۔منچریال ضلع کے حاجی پور میں درجہ حرارت 33.3ڈگری سلسیس درج کیاگیا۔آئندہ دو دنوں کے دوران ریاست کے بعض مقامات پر درجہ حرارت کے 13تا15ڈگری سلسیس کے درمیان درج کئے جانے کا بھی امکان ظاہر کیاگیا ہے جبکہ آئندہ دو دنوں کے دوران جی ایچ ایم سی علاقہ میں درجہ حرارت 13تا15ڈگری سلسیس کے درمیان درج کئے جانے کا امکان ہے۔
Also read