کولکاتہ، 26 اپریل: مغربی بنگال میں 294 نشستوں کے لئے آٹھ مرحلے کے اسمبلی انتخابات کے ساتویں مرحلے میں پیر کی صبح 34 نشستوں کے لئے سخت حفاظتی انتظامات کے درمیان ووٹنگ کا آغاز ہوا۔
ساتویں مرحلے کے لئے ووٹنگ آج صبح سات بجے شروع ہوئی۔ اس دوران مرشد آباد سمیت ریاست کے دیگر تمام پولنگ بوتھوں کے باہر رائے دہندگان کی لمبی قطاریں دیکھی گئیں ، جو اپنے ووٹ ڈالنے کے منتظر تھے۔ ریاست کے تمام پولنگ بوتھوں پر کورونا پروٹوکول پرعمل کیاجارہا ہے۔
West Bengal: Election officials conduct mock poll at a polling booth in Asansol, ahead of voting for the seventh phase of state assembly today pic.twitter.com/8qoUH5djCC
— ANI (@ANI) April 26, 2021
ریاست میں ساتویں مرحلے کے پولنگ کا آغاز آج صبح پانچ اضلاع اور 34 اسمبلی نشستوں پر ہوا۔ جن پانچ اضلاع میں ووٹنگ جاری ہے ان میں مالدہ پارٹ۔ ون ، کولکتہ جنوبی ، مرشد آباد پارٹ 1 ، مغربی وردھمان اورجنوبی دیناج پور شامل ہیں۔ بنگال کے ساتویں مرحلے میں کل 34 نشستوں پر 37 خواتین امیدواروں سمیت کل 268 امیدوار کی قسمت داؤ پرلگی ہوئی ہیں۔ اس سے قبل اس مرحلے میں 36 نشستوں پر انتخابات ہونے تھے ، جن میں سے شمشیر گنج اور جانگی پور کے علاقوں کے امیداوروں کے انتقال کے باعث 34 نشستوں پر انتخاب ہورہے ہیں ۔
اسے بھی پڑھیں
الیکشن کمیشن نے مغربی بنگال میں ریلیوں پر پابندی عائد کردی
بنگال عوام سےمودی نے ریکارڈ ووٹنگ کی اپیل کی
راہل گاندھی کو سیاح قرار دیتے ہوئےامت شاہ نے این آر سی کے نفاذ کا اشارہ دیا
شمشیر گنج اورجانگی پور اسمبلی حلقوں کے لئے الیکشن کمیشن نے دوبارہ انتخابات کا نوٹیفکیشن جاری کیا ہے۔ اب ان دونوں جگہوں پر 16 مئی کو انتخابات ہوں گے اور انتخابی عمل کا مکمل عمل 21 مئی تک مکمل ہوجائے گا۔
