جے پور،21 مئی : راجستھان کے وزیر اعلی اشوک گہلوت نے کہا ہے کہ بھارت رتن اور سابق آنجہانی وزیر اعظم راجیو گاندھی کی کمپیوٹر اور انفارمیشن انقلابی سوچ نے ہندوستان کو عالمی سطح پر مضبوطی سے کھڑا کیا اور ملک کو شناخت دلائی-
جبکہ موجودہ عالمی وبائی بحران کے خلاف موثر لڑائی میں انفارمیشن ٹکنالوجی ایک اہم کردارادا کررہا ہے۔
اشوک گہلوت نے کہا کہ کمپیوٹر اور انفارمیشن انقلاب جو برسوں پہلے مسٹر راجیو گاندھی کی ویژنری سوچ نے بویا تھا ، وہ تناوردرخت بن چکا ہے۔ جس کی جڑوں نے ہندوستان کو عالمی سطح پر مضبوطی سے کھڑا کیا ہے۔
راجستھان کے وزیر اعلیٰ اشوک گہلوت نے آج یہ بات سابق وزیراعظم راجیو گاندھی کی برسی کے موقع پر کہی۔ انہوں نے کہا مسٹر راجیو گاندھی دوررس سوچ کی شخصیت تھے۔ انہوں نے کہا کہ کمپیوٹر اور انفارمیشن انقلاب جو برسوں پہلے مسٹر راجیو گاندھی کی ویژنری سوچ نے بویا تھا ، وہ تناوردرخت بن چکا ہے۔ جس کی جڑوں نے ہندوستان کو عالمی سطح پر مضبوطی سے کھڑا کیا ہے۔ مواصلات اور ٹیکنالوجی موجودہ کورونا وبا کے خلاف موثرانداز میں مقابلہ کرنے میں اہم کردار ادا کررہا ہے۔
اس موقع پر اسمبلی اسپیکر ڈاکٹر سی پی جوشی نے بھی بھارت رتن راجیو گاندھی کو خراج عقیدت پیش کیا۔