تلنگانہ میں کئی مقامات پربارش، سردی کی لہر میں اضافہ

حیدرآباد:  تلنگانہ میں کئی مقامات پر کل شب اور آج صبح اچانک ہلکی بارش ہوئی جس کے بعد سردی کی لہر میں اچانک اضافہ ہوگیا اور کئی علاقے ہنوز شدید کہر کی چادر کی لپیٹ میں ہیں۔حیدرآباد،نلگنڈہ،رنگاریڈی،یادادری بھونگیر،جوگولامباگدوال،میڑچل ملکاجگری میں ہلکی بارش ہوئی۔اسی دوران محکمہ موسمیات نے کہا ہے کہ آئندہ تین دنوں کے دوران ریاست میں کئی مقامات پر سردی کی لہر میں اضافہ کاامکان ہے۔دوسری طرف عادل آباد، کاماریڈی میں درجہ حرارت میں گراوٹ ہوگئی ہے۔عادل آباد میں درجہ حرارت 14ڈگری سلسیس درج کیاگیا۔کاماریڈی میں درجہ حرارت15ڈگری سلسیس درج کیاگیا۔سنگاریڈی، نرمل، کومرم بھیم آصف آباد، وقارآباد، نظام آباد، منچریال، جگتیال، راجناسرسلہ میں بھی درجہ حرارت کم ریکارڈ کیاگیا۔