نئی دہلی: وزیر اعظم نریندر مودی نے کہا ہے کہ تمام ریاستوں اور مرکز کے زیر کنٹرول علاقوں کو میڈیکل آکسیجن کی بغیر کسی رکاوٹ اور بلاتعطل فراہمی کو یقینی بنایاجاناچاہئے اور اس کے لئے جوابدہی کو طے کرنے کی ضرورت ہے۔
جمعرات کو ایک اعلی سطحی میٹنگ میں مسٹر مودی نے آکسیجن کی صورتحال اور ملک بھر میں اس کی دستیابی بڑھانے کے اقدامات پر تبادلہ خیال کیا گیا ۔ انہوں نے افسران کو ہدایت کی کہ وہ تمام ریاستوں اورمرکزکے زیر انتظام علاقوں کو آکسیجن کی بلاتعطل اور مسلسل فراہمی کو یقینی بنائے۔ انہوں نے کہا کہ آکسیجن کی نقل و حرکت میں رکاوٹ پیدا ہونے کی صورت میں مقامی انتظامیہ کو ذمہ داری طے کرنا ہوگی۔
During today’s high level meet, we reviewed the situation relating to oxygen supply and ways to further boost oxygen availability in the coming days. https://t.co/ohHZEHotUe
— Narendra Modi (@narendramodi) April 22, 2021
میٹنگ میں وزیر اعظم کو آکسیجن کی پیداوارمیں اضافہ اور اس کی سپلائی میں مختلف سطحوں پر اٹھائے جانے والے اقدامات کے بارے میں آگاہ کیا گیا۔
وزیراعظم نے مختلف وزارتوں سے آکسیجن کی پیداوار میں اضافے کے لئے نئے طریقے اور امکانات تلاش کرنے کو بھی کہا۔ انہوں نے کہا کہ ریاستوں میں تیز رفتار آکسیجن کی فراہمی ہونی چاہئے۔ بتایا گیا کہ اس کے لئے ٹرینیں استعمال ہورہی ہیں اور ایک ٹرین آکسیجن کی پہلی کھیپ کے ساتھ ممبئی سے وشاکھاپٹنم بھی پہنچی ہے۔ آکسیجن تیار کرنے والی کمپنیوں کو خالی آکسیجن ٹینکرزبھی فضائی سروس کے ذریعے بھیجے جارہے ہیں۔
وزیر اعظم نے ریاستوں سے ذخیرہ اندوزوں کے ساتھ سختی سے نمٹنے کے لئے کہا ہے۔
میٹنگ میں کابینہ سکریٹری ، وزیر اعظم کے پرنسپل سکریٹری ، ہوم سکریٹری اور متعدد وزارتوں کے اعلی شریک ہوئے شریک ہوئے۔
