حیدرآباد :اے پی میں پیش آئے سڑک حادثہ میں ایک شخص ہلاک اور دیگر 8زخمی ہوگئے۔یہ حادثہ ضلع کرنول کے کوڈومورو علاقہ کے قریب وین کے ڈرائیور نے اس کا توازن کھودیا جس کے نتیجہ میں یہ وین الٹ گئی۔پولیس کے مطابق بی روی کمارجو ضلع کے کاپاٹی رنگاپورم گاوں سے تعلق رکھتا ہے، کرنول سے حیدرآباد کو سبزیاں منتقل کرتا ہے۔معمول کے مطابق وہ منگل کی صبح وین میں سبزیاں لے کر کرنول کے ادونی سے حیدرآباد کی سمت جارہا تھا کہ کوڈو مورو علاقہ کے قریب اس نے وین کا توازن کھودیا جس کے نتیجہ میں یہ وین الٹ گئی اوروہ موقع پر ہی ہلاک ہوگیا جبکہ دیگر8افراد جو وین میں سوار تھے زخمی ہوگئے۔اطلاع ملتے ہی پولیس وہاں پہنچی جس نے زخمیوں کو علاج کے لئے اسپتال منتقل کیا۔پولیس نے اس سلسلہ میں ایک معاملہ درج کرکے جانچ شروع کردی۔
یواین آئی وخ
Also read