رام جنم بھومی کے پجاری اچاریہ ستیندر داس نے بتایا کہ رام للا کے گربھ گرہ کے مقام کے نزدیک بھی کام شروع کر دیا گیا ہے۔ اس سے قبل وہاں پوجا کی گئی۔
ایودھیا: ایودھیا کے رام جنم بھومی میں رام للا کے گربھ گرہ کے مقام پر آج سے بنیاد کی تعمیر کا کام شروع کردیا گیا۔ ویدک اچاریہ کے ذریعہ کام شروع کرنے سے قبل پوجا کی گئی۔ ابھی تک رام للا کے گربھ گرہ کے مقام کے چاروں طرف کا ملبہ ہٹایا جارہا تھا۔ جمعرات سے گربھ گرہ کے مقام پر بنیاد ڈالنے کا کام شروع کر دیا گیا ہے۔
رام جنم بھومی کے پجاری اچاریہ ستیندر داس نے بتایا کہ رام للا کے گربھ گرہ کے مقام کے نزدیک بھی کام شروع کر دیا گیا ہے۔ اس سے قبل وہاں پوجا کی گئی۔ انہوں نے بتایا کہ گزشتہ پانچ اگست کو وزیراعظم نریندر مودی کے بھومی پوجن کیے جانے کے بعد ہی ہر روز گربھ گرہ کے مقام پر ہون و دیئے جلانے کا سلسلہ جاری ہے۔
مکر سکرانتی کے بعد رام جنم بھومی ٹرسٹ کی ہدایت پر تعمیراتی ادارے لارسن ٹروبو نے آج صبح بنیاد کی کھدائی شروع کرا دی۔ کام کو تیز کرنے کے لئے ایک اضافی پوک لینڈ بھی لگایا گیا ہے تاکہ کام جلد از جلد مکمل ہوسکے۔ اس دوران آج سے ٹرسٹ کی مندر تعمیراتی کمیٹی کی دو روزہ میٹنگ بھی شروع ہو رہی ہے۔
