9807694588
اپنے مضمون كی اشاعت كے لئے مندرجه بالا ای میل اور واٹس ایپ نمبر پر تحریر ارسال كر سكتے هیں۔
راشف عزمی
شام ہوتے ہی چراغوں کو بجھا رکھتے ہیں
ہم تری یاد میں دل اپنا جلا رکھتے ہیں
تو سلامت رہے آباد رہے اے دوست
ہم یہی ہونٹوں پہ ہر وقت دعا رکھتے ہیں
ان کو بھولے ہوئے اک عرصہ ہوا ہے لیکن
اب بھی ہاتھوں پہ مگر نام سجا رکھتے ہیں
ان ستاروں سے تو کوئی یہ بھی آخر پوچھے
کیوں شب غم مجھے راتوں کو جگا رکھتے ہیں
کچھ ہماری ہی طرح عمر گنوا دیتے ہیں
اور کچھ لوگ خموشی میں صدا رکھتے ہیں
غم کے مارے بھی عجب لوگ ذر ا ہیں راشفؔ
اپنے چہرے سے وہ ہر درد چھپا رکھتے ہیں
فون نمبر 8825090381:
