9807694588
اپنے مضمون كی اشاعت كے لئے مندرجه بالا ای میل اور واٹس ایپ نمبر پر تحریر ارسال كر سكتے هیں۔
پیاسا انجم
غم ہی غم ہم کو آئے نظر آج تک
پڑھ نہ پائے خوشی کی خبر آج تک
آس منز ل کی آنکھوں میں پالے ہوئے
ہم تو ہو تے رہے دربدر آج تک
آنکھ کُھلتے حقیقت کُھلی خواب کی
ہم رہے جن سے تھے بے خبر آج تک
ہر طرف بس مکاں ہی مکاں تھے ملے
ڈھونڈتے ہی رہے اپنا گھر آج تک
پتھّروں کی جہاں روز بارش ہوئی
ہم بچا تے رہے اپنا سر آج تک
عمر یوں ہی کٹی جان پائے نہیں
دِل میں پلتا رہا کیسا ڈر آج تک
لاکھوں انجمؔ سدا نور کرتے رہے
مٹ نہ پایا اندھیرا مگر آج تک
ریشم گھر کالونی جمّوں
9419101315