زعفرانی تنظیموں سے وابستہ افراد نے دہلی میں رام سیوک رنکو شرما کے قتل پر ناراضگی کا اظہار کرتے ہوئے قصور وار افراد کو پھانسی کی سزا دئے جانے کا مطالبہ کیا ہے۔راشٹریہ پرشورام سینا کے ریاستی نائب صدر روہت کوشک نے پریس کو جاری اپنے بیان میں کہا کہ دہلی کے منگولپوری علاقہ میں سرے عام بجرنگ دل لیڈر کو قتل کیا جانا بے حد افسوس ناک واقعہ ہے اس کی جتنی بھی مذمت کی جائے وہ کم ہے۔ انہوں نے رنکو شرما قتل کیس کی سنوائی فاسٹ ٹریک کورٹ میں کرائے جانے ،قصور وار افراد کو پھانسی دلائے جانے سمیت متوفی کے اہل خانہ کو ایک کروڑ روپے کا مالی معاوضہ اور گھر کے ایک فرد کو سرکاری ملازمت دلوائے جانے کا مطالبہ ملک کے وزیر اعظم نریندر مودی اور وزیر داخلہ امیت شاہ سے کیا ہے۔
Also read