ملبورن: ٹیم انڈیا کے کھلاڑی کورونا دور میں اپنے ملک سے ہزاروں کلو میٹر دور آسٹریلیا میں نیا سال مناتے ہوئے نظر آئے۔
ٹیم انڈیا اس وقت آسٹریلیا کے دورے پر ہے اور نئے سال پرہندوستانی ٹیم کے بلے باز لوکیش راہل ، مینک اگروال اور فاسٹ بالر جسپریت بمراہ ملبورن میں جشن مناتے ہوئے نظر آئے۔
راہل نے انسٹاگرام پر ایک تصویر شیئر کی ہے جس میں مینک اور بمراہ بھی ان کے ساتھ نظر آرہے ہیں۔ ان تینوں کھلاڑیوں کے علاوہ کچھ دوسرے افراد بھی ایک ساتھ تصویر میں نظر آ رہے ہیں۔ راہل نے کیپشن میں لکھا ’’نیا احساس ، نیا موقع ، نیا آغاز لیکن خواب وہی ‘‘۔ کل وقتی کپتان وراٹ کوہلی کی عدم موجودگی میں ہندوستان کے کپتان اجنکیا رہانے کی زیرقیادت دوسرے ٹسٹ میچ میں آسٹریلیا کو شکست دے کر سیریز 1-1 سے برابر کرلی ہے۔ دوسری جانب ٹیم انڈیا کے تجربہ کار اوپنر روہت شرما نے سڈنی میں کھیلے جانے والے تسرے ٹیسٹ میچ میں ٹیم انڈیا میں شمولیت اختیار کرلی ہے۔
روہت نے حال ہی میں آسٹریلیا پہنچنے کے بعد 14 روزہ قرنطین کی مدت مکمل کرلی ہے، جس کے بعد وہ پریکٹس کرتے دکھائی دیئے تھے ، جبکہ دوسری طرف تیز گیند باز امیش یادو انجری کے سبب ٹیم سے باہر ہوگئے ہیں۔