9807694588موسی رضا۔
اپنے مضمون كی اشاعت كے لئے مندرجه بالا ای میل اور واٹس ایپ نمبر پر تحریر ارسال كر سكتے هیں۔
ڈاکٹرقمرسُرور
کورونا کا قہر
یہ کس بستی میں آ نکلے
یہاں تو ہؤ کا عالم ہے
در و دیوار سے وحشت ٹپکتی ہے
سڑک کی مانگ سونی ہے
گلی میں بھی نہیں کوئی
یہاں بازار بے رونق
دُکانیں بند ہیں ساری
یہاں پر موت رقصاں ہے
ڈرے سہمے ہوئے انساں
گھروں میں بند ہیں سارے
کوئی باہر نہیں آتا
ہر اک جانب وبا پھیلی
خدا ناراض ہے ہم سے
کہ اپنے گھر بھی وہ آنے نہیں دیتا
کلیسا مندر و مسجد
عبادت گاہ ساری بند ہیں اب تو
خطا بےشک ہوئی ہم سے
ندامت ہے بہت ہم کو
تو خالق کل جہانوں کا
تو مالک کل جہانوں کا
تو رازق بھی ہے ہم سب کا
اگر قہاّر ہے تُو تو
تُو ہی رحمن بھی تو ہے
خطائیں اپنی ادنی ہیں
تری رحمت تو اعلی ہے
ہمیں تو بخش دے مولا !!
ہمیں تو بخش دے مولا !!
احمدنگر مہاراشٹر 9822297444