امریکی ٹینس اسٹار سرینا ولیمز کا کہنا ہے کہ انہوں نے بیٹی کی پیدائش سے قبل زچگی کے حوالے سے اس حد تک معلومات حاصل کی کہ وقت آنے پر وہ بیٹی کو پیدا کرنے کے عمل سے ہی خوفزدہ ہوگئیں۔
بیج سکس کی رپورٹ کے مطابق ایک ایونٹ کے دوران 37 سالہ سرینا کا کہنا تھا کہ ایک وقت ایسا بھی تھا جب وہ اپنی دو سالہ بیٹی اولمپیا کو دنیا میں لانے سے ہی ڈرنے لگی تھیں۔
انہوں نے میڈیا سے بات کرتے ہوئے کہا کہ ‘میں مومی اینڈ می نامی کمپنی سے رابطے میں رہی، یہ کمپنی حاملہ عورتوں کی بےحد مدد کرتی ہے، لیکن مجھے اس حوالے سے اتنی زیادہ معلومات مل گئیں کہ میں بیٹی کو پیدا کرنے سے ہی خوفزدہ ہوگئی، میں بس یہی سوچنے لگی کہ میں بیٹی کو پیدا نہیں کروں گی’۔
سرینا کے مطابق ‘میں اپنے والد کے گھر تھی، وقت گزار رہی تھی، کیا آپ جانتے ہیں میں ان چند عورتوں میں سے تھی جو شاید اپنے بچے کو اپنے اندر ہی رکھنا چاہتی تھی، میں بہت زیادہ ڈر چکی تھی، لیکن ایک بات میں ضرور کہوں گی کہ یہ کمپنی عورتوں کی بےحد مدد کرتی ہے’۔
