نئی دہلی ، 6 اپریل : سخت سیکورٹی انتظامات کے درمیان منگل کی صبح تمل ناڈو ، مغربی بنگال ، آسام ، کیرالہ اور پڈوچیری میں پولنگ شروع ہوچکی ہے۔
ریاست تمل ناڈو میں آج صبح سخت حفاظتی انتظامات کے درمیان 232 نشستوں پر ووٹنگ کا آغاز ہوا۔ کانڈنور اسمبلی میں کانگریس لیڈر پی چدمبرم نے ووٹ دیا۔
Polling in 234 Assembly seats in #TamilNadu begins. The Election Commission has said that it will be conducting the polls with due #COVID19 health protocols#TNAssemblyElections2021
Click here for live updates: https://t.co/PLFp3j5V52
— The Hindu – Chennai (@THChennai) April 6, 2021
اسی دوران اداکار اجیت نے اپنی اہلیہ کے ہمراہ اپنے حلقہ انتخاب میں ووٹ دیا۔ اسی کے ساتھ ہی مرکز کے زیر کنٹرول پڈوچیری کی 30 نشستوں کے لئے ووٹنگ کا آغاز ہوا۔وہیں مغربی بنگال میں تیسرے مرحلہ کے لئے 31 اسمبلی نشستوں کے لئے ووٹنگ شروع ہوچکی ہے ۔ آسام میں تیسرے اور آخری مرحلے کے لئے 40 اسمبلی نشستوں پر ووٹنگ کا آغاز ہو چکا ہے۔
ریاست تمل ناڈو ، کیرالہ اور پڈوچیری میں ایک ہی مرحلے میں ووٹنگ ہورہی ہے۔ جبکہ بنگال میں آٹھ مرحلوں میں ووٹنگ ہونی ہے، آسام میں آج ووٹنگ کا تیسرے اور آخری مرحلہ کی ووٹنگ جاری ہے۔