وہائٹ ہاؤس نے روسی ذرائع ابلاغ منجملہ رشا ٹوڈے اور اسپوٹنیک کی سرگرمیوں پر ممکنہ طور پر پابندیاں عائد کئے جانے کا اشارہ دیا ہے۔
رپورٹ کے مطابق وہائٹ ہاؤس کی ترجمان جین ساکی نے اپنی ہفتہ وار پریس کانفرنس میں روس کے خلاف نئی پابندیاں عائد کئے جانے کی خبر دی ہے۔ اس ترجمان کا کہنا ہے کہ امریکی صدر جوبائیڈن نے روس کے خلاف پابندیاں عائد کرنے کے بارے میں یورپی حکام سے گفتگو بھی کی ہے۔
انہوں نے کہا کہ رشا ٹوڈے اور اسپوٹنیک ایسے روسی ذرائع ابلاغ ہیں جو ماسکو حکومت کی نیابت میں کام کر رہے ہیں۔ وہائٹ ہاؤس نے اس سے قبل بھی روسی ذرائع ابلاغ اور نامہ نگاروں کے خلاف پابندیاں لگائی تھیں جس پر ماسکو نے جوابی ردعمل کا اظہار کیا تھا۔
روسی حکام نے وہائٹ ہاؤس کے اس دعوے کی ہمیشہ تردید کی ہے کہ روسی ذرائع ابلاغ، ماسکو حکومت سے وابستہ ہیں۔
Also read