بالا گھاٹ  مدھیہ پردیش کے بالا گھاٹ ضلع کے وارا سونی سرکل اور لانجی سرکل کے دیہی علاقے میں محکمہ ایکسائز کی ٹیم نے چھاپے کی کارروائی کرتے ہوئے ایک لاکھ 46 ہزار روپے مالیت کی 2360 کلو مہوا لاہن اور 35 لیٹر دیسی شراب ضبط کی۔
ڈسٹرکٹ ایکسائز آفیسر ونود کھٹک نے آج بتایا کہ ضلع میں غیر قانونی شراب کی تیاری، نقل و حمل اور فروخت کو روکنے کے لئے بڑے پیمانے پر مہم چلائی جارہی ہے۔ اسی سلسلے میں کل مخبر سے ملی اطلاع پر ضلع کے وارسیوانی سرکل کے تحت بیگا محلہ کے نواح میں اور خیرگونڈی ، ٹیکاڈی پورن ٹولہ تالاب کے کنارے اور لانجی سرکل کے تحت نیلا گونڈی کے جنگل سے اور بیہر مغرب سرکل کے تحت گاؤں جھیریہ ، بھیڑی، پارسواڑہ، بھاڈو کوٹہ میں مختلف مقامات پر چھاپے مارے گئے۔
انہوں نے بتایا کہ محکمہ کی اس کاروائی میں کل 35 لیٹردیسی شراب اور 5 پلاسٹک کے ڈرم اور 72 پلاسٹک کی بوریوں میں سے 2360 کلو گرام تیارلاہن برآمد ہوئی ہے۔ ضبط شدہ شراب اور لاہن کی تخمینہ قیمت ایک لاکھ 46 ہزار 850 روپے ہے۔ ضبط مہووا لاہن کا سیمپل لیکر بقیہ لاہن کو ضائع کردیا گیا ہے۔ اس معاملے میں، مشتبہ 9 لوگوں کے خلاف مقدمہ درج کرکے تفتیش کی جارہی ہے۔