نئی دہلی، 8 اپریل: کانگریس کے سابق صدر راہل گاندھی نے آج طلبہ کے لئے وزیر اعظم نریندر مودی کے ‘پرکشا پے چرچا’ پروگرام پر طنز کرتے ہوئے کہا کہ آسمان چھوتی ہوئی مہنگائی اور ایندھن کی قیمتیں بلند ترین سطح پر پہنچنے کے درمیان گاڑی میں تیل بھرنا بھی کسی امتحان سے کم نہیں ہے ۔ اس لئے مسٹر مودی کو لوگوں کی جیب ڈھیلی ہونے کے پیش نظر ‘خرچہ پہ چرچا’ کرنا چاہئے۔
مسٹر راہل گاندھی نے ٹویٹ کیا کہ “مرکزی حکومت کی ٹیکس وصولی کی وجہ سے عوام کے لئے گاڑی میں تیل بھرنا کسی امتحان سے کم نہیں ہے ، پھر وزیر اعظم اس پر گفتگو کیوں نہیں کرتے ہیں؟ خرچہ پر بھی ہو چرچا”۔
केंद्र सरकार की टैक्स वसूली के कारण गाड़ी में तेल भराना किसी इम्तहान से कम नहीं, फिर PM इस पर चर्चा क्यूँ नहीं करते?
खर्चा पे भी हो चर्चा! pic.twitter.com/jUJPERrp15
— Rahul Gandhi (@RahulGandhi) April 8, 2021
کانگریس کی میڈیا سیل کے سربراہ رندیپ سنگھ سورجے والا نے بھی کمر توڑ مہنگائی پر حکومت کو نشانہ بنا تے ہوئے کہا کہ “73 سالوں میں سب سے مہنگی اور ظالم حکومت ، ہر روز کسانوں پر کرتی ہے نئی وار ۔ جو کبھی نہیں ہوا ، وہ ظلم کردکھایا۔ مودی سرکار نے ڈی اے پی کھاد کی قیمت میں 700 روپے کا اضافہ کیا ، جس سے 1200 روپے کا 50 کلو ڈی اے پی 1900 روپے پر پہنچ گیا۔ مودی جی! پہلے ہی ایک ہیکٹیئر کی کاشت کی لاگت 15000 روپے تک پہنچ چکی ہے۔ سب کچھ یاد رکھا جائے گا”۔