پرتاپ گڑھ   اترپردیش میں پرتاپ گڑھ ضلع کے تھانہ کوتوالی سٹی علاقے کے گونڑے گاوں میں جمعہ کو بند پائپ فیکٹری میں نامعلوم بدمعاشوں کے حملے میں ایک چوکیدار کی موت ہوگئ ،جبکہ دوسرہ زخمی ہے ۔
ایڈیشنل پولیس سپرنٹنڈنٹ مشرقی سریندر دویدی نے بتایا کہ تھانہ کوتوالی سٹی علاقے کے گونڑے گاوں کے نزدیک آج صبح لاش ملنے کی اطلاع پر پولیس موقع پر فورا پہونچی تو معلوم ہوا کہ ریلائنس پٹرول پمپ کے سامنے کیدار ناتھ گپتا کی پائپ بنانے کی فیکٹری ہے ،جو تقریبا دس سال سے بند ہے ۔جس کی حفاظت کے لیئے دو چوکیدار ڈیوٹی پر رہتے ہیں ۔جہاں ایک چوکیدار چھٹکوء سروج 60 مردہ و دوسرہ جنگ بہادر سنگھ 61 زخمی پایا گیا ۔معاملہ قتل کا معلوم ہوتا ہے ۔وہیں زخمی کو علاج کے لیے ضلع اسپتال میں داخل کرایا گیا ۔موقع پر پولیس فورس موجود ہے ،تحقیات و قانونی کارروائی کر رہی ہے ۔