نئی دہلی،12 اپریل : تیزی سے پھیل رہی عالمی وبا کورونا وائرس (كووڈ -19) نے ملک میں سب سے زیادہ تباہی مہاراشٹر میں مچائی ہے. مہاراشٹر میں گزشتہ 24 گھنٹوں کے دوران اس جان لیواوائرس سے 17 افراد کی موت کے ساتھ مرنے والوں کی تعداد 127 تک پہنچ گئی ہے اورمجموعی طور پر1761 افراد اس وبا سے متاثر ہیں۔
وہیں ریاست میں اب تک 208 افراد شفا یاب ہوئے ہیں۔
مرکزی وزارت صحت کے اتوار کی صبح جاری اعداد و شمار کے مطابق ملک میں متاثرین کی تعداد بڑھ کر 8356 ہوگئی ہےاوراس کی زد میں آنے سے مرنے والوں کی تعداد 273 تک پہنچ گئی ہے۔
