نئی دہلی  نائب صدر ایم وینکیا نائیڈو نے اروناچل پردیش اور میزورم کے یوم تاسیس پر مبارکباد پیش کرتے ہوئے ریاستوں کی خوشحالی کے نیک خواہشات ظاہر کیں ۔
مسٹر نائیڈو نے ہفتے کے روز یہاں دو الگ الگ پیغامات جاری کئے ۔ انہوں نے کہا ’’ طلوع آفتاب کی سرزمین اروناچل پردیش کو یوم تاسیس کی مبارکباد ۔شاندار ثقافت ، وراثت ، قددرتی حسن اور فنکارانہ دلچسپی اروناچل پردیش کو مخصوص بناتی ہے ‘‘۔
میزورم کے لئے جاری پیغام میں مسٹر نائیڈو نے کہا ’’ میزورم کے یوم تاسیس پر ریاست کے عوام کو مبارکباد ۔ نیلے پہاڑوں کی سرزمین میزورم کو بے مثال خوبصورتی ، رنگ برنگے تہواروں ، سرسبز سبز وادیوں اور آبشاروں کے لئے جانا جاتا ہے ‘‘ ۔
انہوں نے کہا ’’ ریاست کے عوام کی خوشحالی کے لئے میری نیک خواہشات ‘‘۔