برازیلیا، 16 مارچ : عالمی وبا کورونا سے سنگین طور پر متاثر برازیل میں گذشتہ 24 گھنٹوں میں 1057 افراد کی موت ہونے سے ہلاکتوں کی تعداد 279286 ہو گئی ہے۔
برازیل کی وزارت صحت نے پیر کی دیر رات یہ اطلاع دی۔ اس دوران برازیل میں کورونا وائرس کے 36239 نئے کیسز سامنے آئے ہیں۔ مجموعی طور پر یہاں متاثرین کی تعداد بڑھ کر 11519609 ہو گئی ہے۔
کورونا سے سب سے زیادہ متاثر ممالک کی فہرست میں برازیل؛ امریکہ اور ہندوستان کے بعد تیسرے مقام پر ہے جبکہ ہلاکتوں کی تعداد کے معاملے میں برازیل؛ امریکہ کے بعد دوسرے مقام پر ہے۔
