فضائیہ نے تسلیم کی غلطی ، 27 فروری کو ہندوستانی میزائل سے ہی کریش ہوا تھا ایم آئی 17 ہیلی کاپٹر

0
115

ہندوستانی فضائیہ کے سربراہ ائیر چیف مارشل راکیش کمار سنگھ بھدوریا نے اعتراف کیا ہے کہ 27 فروری کو جموں و کشمیر کے بڈگام میں حادثہ کا شکار ہوئے ایم آئی 17 ہیلی کاپٹر ہندوستانی میزائل سے ہی ٹکرا کر گر گیا تھا ۔ بھدوریا نے بتایا کہ اس معاملہ میں کورٹ آف انکوائری پوری ہوچکی ہے ۔

اعلی سطحی جانچ میں پتہ چلا ہے کہ یہ حادثہ ہماری ہی غلطی کی وجہ سے پیش آیا تھا ، ہم اعتراف کرتے ہیں کہ یہ بہت بڑی غلطی تھی ، ہم یقینی بنائیں گے کہ مستقبل میں کسی بھی صورت میں ایسی غلطی نہ ہو ۔

بتادیں کہ یہ حادثہ اسی دن پیش آیا تھا ، جس دن ونگ کمانڈر ابھینندن کے ایف 16 طیارہ کو تباہ کرنے کے بعد اپنے مگ کے تباہ ہونے کے بعد پاکستان میں اترگئے تھے ۔

بھدوریا نے بتایا کہ اس معاملہ میں دو اہلکاروں کے خلاف کارروائی کی جائے گی ۔ اس ہیلی کاپٹر کو اسکواڈرن لیڈر سدھارتھ وششٹھ اڑا رہے تھے ۔ ہیلی کاپٹر نے 27 فروری کی صبح 10.10 بجے سری نگر ہوائی اڈہ سے اڑان بھری تھی ۔ اس کے تقریبا 40 منٹ پہلے پاکستانی فضائیہ کے طیاروں نے ہندوستانی فضائی حدود کی خلاف ورزی کرکے بڈگام میں دراندازی کی کوشش کی تھی ۔ ہندوستانی فضائیہ نے فوری کارروائی کرتے ہوئے اس کو بھگادیا تھا ۔

اس حادثہ کی جانچ کے دوران پتہ چلا ہے کہ ہیلی کاپٹر کرو ممبر اور گراونڈ اسٹاف کے درمیان بہتر کمیونکیشن کی کمی کی وجہ سے یہ حادثہ پیش آیا ۔ بتادیں کہ اس حادثہ میں ہیلی کاپٹر میں سوار چھ فوجی اہلکاروں اور ایک شہری کی موت ہوگئی تھی ۔ جانچ میں کم سے کم چار افسران اس حادثہ کیلئے ذمہ دار پائے گئے ہیں ۔

Also read

LEAVE A REPLY

Please enter your comment!
Please enter your name here