سعودی عرب میں خواتین سیاحوں کے لیے حجاب کی شرط ختم

سعودی حکومت نے پہلی بار سیاحتی ویزے کا اعلان کر دیا، نئے سیاحتی پروگرام میں غیرملکی خواتین سیاحوں کے لیے حجاب کی شرط ختم کردی گئی ہے۔

سعودی میڈیا کے مطابق ولی عہد محمد بن سلمان کے وژن 2023 کے تحت ملک میں سیاحت کو فروغ دینے کے لیے پہلی بار 38 یورپی ممالک، 7 ایشیائی ممالک کے ساتھ ساتھ امریکا، کینیڈا، آسٹریلیا اور نیوزی لینڈ سمیت 49 ممالک کے لیے سیاحتی ویزوں کے اجرا کا اعلان کیا گیا ہے۔

سعودی کمیشن برائے سیاحت اور قومی ورثہ کے چیئرمین احمد الخطیب نے میڈیا کو بتایا کہ نئی ویزا پالیسی کے تحت خواتین سیاحوں کے لیے عبا پہننے کی پابندی ختم کردی گئی ہے۔

یہ ویزا 360 دن کے لیے ہوگا تاہم ایک مرتبہ 90 دن سے زیادہ قیام کی اجازت نہیں ہوگی اور سال میں 180 دن سے زیادہ رکنے کی اجازت نہیں ہوگی ۔

واضح رہے کہ سعودی ولیعہد بن سلمان اپنے اس قسم کے اقدامات سے امریکہ اور یورپ کو خوش کرنے کی کوشش کر رہے ہیں۔