ہنی ٹریپ : مرکزی وزیر کے بیٹے کا آیا نام ؟ ، ملزم لڑکیاں ٹرین میں بھی بناتی تھیں فحش ویڈیو

مدھیہ پردیش کے ہنی ٹریپ ریکیٹ کی جال میں ایک مرکزی وزیر کے بیٹے کے پھنسے ہونے کی بھی خبریں گردش کررہی ہیں ۔ اس میں بھوپال کے کئی بڑے تاجر کے پھنسے ہونے کی بھی خبر ہے ۔

اس کیس کی جانچ میں جیسے جیسے پیشرفت ہورہی ہے ، روز نئے انکشافات ہورہے ہیں ۔ اس ریکیٹ میں اب تک کئی لیڈروں اور آئی اے ایس و آئی پی ایس افسران کے نام پہلے سے ہی لئے جارہے ہیں ۔

ہنی ٹریپ کیس میں اب تک کا سب سے بڑا انکشاف ہوا ہے ۔ ذرائع سے پتہ چلا ہے کہ ایک مرکزی وزیر کے بیٹے کو بھی ہنی ٹریپ میں پھنسا کربلیک میل کیا گیا تھا ۔ بھوپال کی رہنے والی خاتون ملزم نے اس کو بلیک میل کیا تھا ۔ بتایا جارہا ہے کہ بدنامی کے خوف سے مرکزی وزیر نے موٹی رقم دے کر ملزم خاتون سے اپنے بیٹے کا پیچھا چھڑایا تھا ۔ یہ بھی پتہ چلا ہے کہ گرفتار خواتین کے پاس سے جو الیکٹرانک ڈیوائس برآمد کی گئی ہیں ، ان میں اس مرکزی وزیر کے بیٹے کا ویڈیو بھی ہے ۔ ایس آئی ٹی اب سبھی بڑے افراد کے کنیکشن کی گہرائی سے جانچ کررہی ہے ۔

Crime has no gender | Save #Mentoo https://t.co/R0qHxQkIZM

— MenToo (@Mentoo47911034) September 26, 2019

ہنی ٹریپ میں بھوپال کے کئی مشہور بزنس مین کے نام بھی آرہے ہیں ۔ بتایا جارہا ہے کہ شہر کے پاش مارکیٹ کے کئی بزنس مین بھی ہنی ٹریپ کے شکار ہوئے ہیں ۔ بھوپال سے پکڑی گئی خواتین نے ان سب کو اپنا شکار بنا رکھا تھا ۔ نیو مارکیٹ کے تقریبا 10 بڑے بزنس مین ہنی ٹریپ کے شکار ہوئے تھے ۔ ایس آئی ٹی کو کال کی تفصیلات میں کئی بزنس مین کے نام ملے ہیں ۔

بتایا جارہا ہے کہ ملزم خواتین نے ٹرین میں سفر کے دوران بھی کئی بڑے لوگوں کے ویڈیو بنائے تھے ۔ الیکٹرانک ڈیوائس میں جو ویڈیو کلپس ملی ہیں ، وہ ہوٹل ، گھر ، فارم ہاوس ، کلب ، ریسٹ ہاوس میں بنائی گئی ہیں ۔ یہ بھی پتہ چلا ہے کہ دہلی ، یوپی ، ہریانہ ، راجستھان ، ہماچل پردیش ، مہاراشتر ، چھتیس گڑھ ، ممبئی کے ہوٹلوں میں ملزم خواتین نے چوری چھپے ویڈیوز بنائے تھے جو اب برآمد کئے گئے ہیں ۔ ایس آئی ٹی سبھی ویڈیو کی فارینسک رپورٹ آنے کا انتظار کررہی ہے ۔