؛اڑیسہ میں کورونا وائرس (کووڈ۔ 19) کے پھیلاؤ کو روکنے کے لئے لاک ڈاؤن کو 30 اپریل تک بڑھا دیا گیا ہے۔
وزیر اعلی نوین پٹنائک نے جمعرات کو ریاستی کابینہ کے اجلاس کے بعد ویڈیو پیغام کے ذریعے اس کی اطلاع دی۔ اڑیسہ ملک کی پہلی ریاست ہے جس نے لاک ڈاؤن کو بڑھایا ہے۔
فی الحال مرکز نے پورے ملک میں 21 دن کا لاک ڈاؤن لگایا ہوا ہے۔ وزیر اعظم نریندر مودی نے گزشتہ 24 مارچ کی درمیانی شب سے پورے ملک میں لاک ڈاؤن کا اعلان کیا تھا۔ کئی ریاستوں نے کورونا وائرس کے پھیلنے کے پیش نظر لاک ڈاؤن بڑھانے کی بات کہی تھی۔
مسٹر پٹنائک نے لاک ڈاؤن بڑھانے کے ساتھ ساتھ تمام تعلیمی اداروں کو 17 جون تک بند رکھنے کا بھی اعلان کیا ہے۔
اڑیسہ میں کورونا سے اب تک 42 لوگ متاثر پائے گئے ہیں جس سے ایک شخص ہلاک ہوا ہے۔ اب تک کورونا میں مبتلا دو لوگ ٹھیک ہوگئے ہیں۔
