واشنگٹن، 5 جنوري (اسپوتنك) امریکہ کے صدر ڈونلڈ ٹرمپ نے ایران کو سخت انتباہ دیتے ہوئے کہا ہے کہ اگر ایران کسی بھی امریکی شہری یا امریکی املاک پر حملہ کرتا ہے تو اس کے خلاف انتہائی سنگین اور بہت بڑا حملہ کیا جائے گا۔
مسٹر ٹرمپ نے کہا’’ایران اسے ایک انتباہ کے طور پر سمجھے کہ اگر وہ کسی بھی امریکی یا امریکی املاک پر حملہ کرتا ہے تو ہم نے 52 ایرانی مقامات کی نشاندہی کر رکھی ہے جو کہ ثقافتی طور پر ان کے لئے انتہائی اہم ہے‘‘۔امریکی صدر نے کہا’’ایران اس دہشت گردی کے بدلے انتہائی جرات کے ساتھ امریکہ کی کچھ املاک کو نشانہ بنانے کے بارے میں بات کر رہا ہے جس نے ایک امریکی کو مار ڈالا تھا اور کئی دوسرے لوگوں کو بری طرح سے زخمی کر دیا تھا‘‘۔
….targeted 52 Iranian sites (representing the 52 American hostages taken by Iran many years ago), some at a very high level & important to Iran & the Iranian culture, and those targets, and Iran itself, WILL BE HIT VERY FAST AND VERY HARD. The USA wants no more threats!
— Donald J. Trump (@realDonaldTrump) January 4, 2020
انہوں نے کہا’’مجھے بتانے کی ضرورت نہیں ہے کہ ایران کے پاسداران انقلاب میں القدس کے کمانڈر میجر جنرل قاسم سلیماني نے اپنی زندگی میں کتنے لوگوں کو مارا ہے اور جس میں حال ہی میں ایران میں ہلاک شدگان مظاہرین بھی شامل ہے‘‘۔
The United States just spent Two Trillion Dollars on Military Equipment. We are the biggest and by far the BEST in the World! If Iran attacks an American Base, or any American, we will be sending some of that brand new beautiful equipment their way…and without hesitation!
— Donald J. Trump (@realDonaldTrump) January 5, 2020
اس کے علاوہ مسٹر ٹرمپ نے بڑا الزام لگاتے ہوئے کہا کہ سلیماني نے بغداد میں امریکی سفیر پر حملہ کیا تھا اور دیگرمقامات پر حملہ کرنے کی بھی منصوبہ بندی کر رہا تھا۔
قابل ذکر ہے کہ جنرل سلیمانی امریکی حملہ میں جمعہ کو مارے گئے۔ عراق میں ایرانی سفیر ایرج مسجدی نے اطلاع دی کہ ایران کے پاسداران انقلاب کے قدس فورس کے کمانڈر میجر جنرل قاسم سلیمانی اور ایران نواز حشد الشابی کے نائب سربراہ ابو مہدی المهندس سمیت 10 افراد کی امریکی راکٹ حملہ میں موت ہو گئی۔
امریکہ کے اس حملے کے بعد سے خطہ میں حالات کشیدہ ہو گئے ہیں۔
Also read