نئی دہلی، 31 مارچ : دہلی کے صفدر جنگ اسپتال کے ایک وارڈ اور گاندھی نگر مارکیٹ کی ایک دکان میں بدھ کے روز آگ لگ گئی لیکن آگ سے کسی کے زخمی ہونے کی اطلاع نہیں ہے۔
محکمہ فائر برگیڈ کے ایک افسر نے بتایا کہ صبح چھ بج کر 35 منٹ پر صفدر جنگ اسپتال کے میڈیسن وارڈ کے آئی سی یو میں آگ لگنے کی اطلاع ملی۔ آئی سی یو سے 60 مریضوں کو بہ حفاظت نکال لیا گیا۔
Delhi: Fire at #Safdarjung Hospital, 50 patients shifted. The situation is under control now. pic.twitter.com/JNvYf7bSfa
— NDTV (@ndtv) March 31, 2021
آگ آئی سی یو میں وینٹلیٹر سے لگی تھی۔ وہیں صبح آٹھ بج کر 14 منٹ پر مشرقی دہلی کے گاندھی نگر میں ایک کپڑے کے اسٹور میں آگ لگنے کی اطلاع موصول ہوئی۔ اس کے بعد محکمہ فائر برگیڈ کی 15 گاڑیاں بھیجی گئیں۔ یہاں بھی آگ پر قابو پا لیا گیا ہے۔
Delhi: Fire at Gandhinagar Market, 20 fire engines reach the spot to douse fire. pic.twitter.com/L8smCrFPMX
— ANI (@ANI) March 31, 2015
انہوں نے کہا کہ اسپتال کے آئی سی یو وارڈ میں وینٹیلیٹر میں شارٹ سرکٹ ہونے کی وجہ سے آگ لگ گئی اور دیکھتے ہی دیکھتے پھیل گئی۔ اس وارڈ سے 60 مریضوں کو محفوظ دوسرے وارڈ میں شفٹ کر دیا گیا اور کسی کے زخمی ہونے کی اطلاع نہیں ملی ہے۔ فائربرگیڈ کی نو گاڑیوں نے موقع پر پہنچ کر آگ پر قابو پا لیا۔