 کے جاری کردہ تازہ ترین اعداد و شمار کے مطابق امریکہ میں کورونا وائرس سے اموات کی تعداد 5،36،871 اور متاثرہ افراد کی تعداد 2 کروڑ 95 لاکھ 46 ہزار 663 ہوگئی ہے۔){kind=link}
واشنگٹن،17مارچ :عالمی وبا کورونا وائرس’کووڈ19‘ سے دنیا میں سب سے زیادہ متاثر امریکہ میں اس وبا نے انتہائی بدترین شکل اختیار کرلی ہے اور اب تک اس موذی وبا سے 5.36 لاکھ سے زیادہ افراد ہلاک ہوچکے ہیں۔
جان ہاپکنز یونیورسٹی کے سینٹر برائے سائنس اینڈ انجینئرنگ (سی ایس ایس ای) کے جاری کردہ تازہ ترین اعداد و شمار کے مطابق امریکہ میں کورونا وائرس سے اموات کی تعداد 5،36،871 اور متاثرہ افراد کی تعداد 2 کروڑ 95 لاکھ 46 ہزار 663 ہوگئی ہے۔
امریکہ کی نیو یارک ، نیو جرسی اور کیلیفورنیا جیسی ریاستیں کورونا وائرس سے سب سے زیادہ متاثر ہیں۔ صرف نیو یارک میں ہی 49،110 افراد کورونا انفیکشن کی وجہ سے ہلاک ہوچکے ہیں۔ وہیں نیو جرسی میں اب تک 23،966 ، کیلیفورنیا میں 56،769 ، ٹیکساس میں 46،651 اور فلوریڈا میں اب تک 32،449 لوگوں نے اپنی زندگیاں گنوائی ہیں۔
اس کے علاوہ ، الینوائے میں 23،236 ، مشی گن میں 16،805 ، میساچوسیٹس میں 16،688 اور پنسلوانیا میں 24،660 افراد لقمہ اجل بن چکے ہیں۔ قابل ذکر ہے کہ ملک میں کورونا ویکسی نیشن مہم بھی بڑے پیمانے پر جاری ہے۔