ماونٹ مونگانوئی کپتان کین ولیمسن کے شاندار ناٹ آوٹ 94 رن ، تجربہ کار بلے باز راس ٹیلر کے70 اور ہینری نکولس کے ناٹ آوٹ 42 رن کی بدولت نیوزی لینڈ نے میزبان پاکستان کے خلاف پہلے ٹسٹ میچ کے پہلے دن سنیچر کے روز دن کا کھیل ختم ہونے تک 87 اوور میں تین وکٹ کے نقصان پر 222 رن بنالئے ۔
پاکستان کے کپتان محمد رضوان نے ٹاس جیت کر پہلے فیلڈنگ کا فیصلہ کیا جو شروع کے دس اوور تک صحیح ثابت ہوا جب نیوزی لینڈ کے سلامی بلے باز ٹام لاتھم صرف چار اور ٹام بلنڈویل صرف پانچ رن بناکر پویلین لوٹ گئے۔ نیوزی لینڈ کا پہلا وکٹ چار اور دوسرا 13 رن کے اسکور پر گرا۔
سلامی بلے باز کے بعد بلے بازی کرنے آئے کپتان کین ولیمسن نے اپنی شاندار فارم کو جاری رکھتے ہوئے تجربہ کار بلے باز راس ٹیلر کے ساتھ ٹیم کی کمان سنبھالی اور دونوں بلے بازوں کے بیچ تیسرے وکٹ کے لئے شاندار 120 رن کی ساجھیداری ہوئی۔ نیوزی لینڈ کا تیسرا وکٹ 133 کے اسکور پر راس ٹیلر کے طور پر گرا جنہوں نے 151 گیندوں میں دس چوکوں اور ایک چھکے کی مدد سے 70 رن بنائے۔
پاکستان کی جانب سے بائیں ہاتھ کے تیزگیندباز شاہین آفریدی نے شاندار گیندبازی کرتے ہوئے دونوں سلامی بلے بازوں کے وکٹ حاصل کئے اور نیوزی لینڈ کا تیسرا وکٹ بھی انہوں نے اپنے نام کیا۔ آفریدی نے 20 اوور میں صرف 55 رن دے کر تین وکٹ لئے۔
جاری