پدوچیری: پدوچیری کی لیفٹیننٹ گورنر (ایل جی) کرن بیدی نے منگل کے روز میڈیا میں جاری ان رپورٹس کی تردید کی جن میں ان پر مرکزی وزیر مملکت برائے داخلہ جی کشن ریڈی کا راج نیواس میں خیرمقدم کے دوران کورونا وائرس کی ہدایات کی خلاف ورزی کرنے کا الزام عائد کیا گیا ہے۔
محترمہ بیدی نے کہا،’مجھے اس بات پر کوئی شبہ نہیں ہے کہ پدوچیری کے عوام جانتے ہیں کہ ان کی ایل جی اور ان کا دفتر کچھ بھی غلط نہیں کرے گا‘۔
محترمہ بیدی نے ایک سوشل میڈیا پوسٹ میں کہا کہ یہ الزام ایل جی دفتر کے کام کاج کے بارے میں غلط دہراؤ، اطلاع اور جھوٹ کی روش ہے۔ راج نیواس وزیر کے دورے کے لیے پوری طرح سے سینیٹائز تھا اور وہ ایک محفوظ، صحت اور کاروائی کرنے کے دفتر میں آئے تھے۔
انہوں نے کہا کہ ایل جی دفتر، سکریٹریٹ ضابطوں اور قوانین سے اچھی طرح واقف ہے اور وقت وقت پر ان کی مرکزی حکومت کے قانونی ماہرین کی جانب سے بہ ضابطہ طور پر رہنمائی کی جاتی ہے۔
انہوں نے کہا کہ مرکز کے زیر انتظام علاقہ ہونے کے ناطے یہ مرکزی حکومت کی ہدایات کا پابند ہے۔ ایل جی دفتر اس بات سے اچھی طرح آگاہ ہے کہ دفتر کی جانب سے کیے گئے تمام فیصلوں پر سی اے جی مالیاتی تفتیش کر سکتی ہے۔ ہمیں اس بارے میں پوری معلومات ہے۔