پرتاپ گڑھ اترپردیش میں پرتاپگڑھ ضلع کے ایڈیشنل سیشن جج سنتوش کمار تیواری کی عدالت نے لنچ باکس میں زہر ملا کر دو معصوم بچوں کو قتل کرنے کے مقدمہ کی سماعت کرتے ہوئے خاطی ثابت ہونے کے سبب ملزمہ چچی کو عمر قید و جرمانہ کی سزا سنائی ۔
استغاثہ کے بموجب تھانہ اودے پور علاقے کے راکی پورے داسی گاوں کی کسما دیوی کے بچے شیواکانت 10 و سپنا 8 23/ اگست 2010 کو گیان استھلی پبلک اسکول مصطفی باد پڑھنے گئے تھے ۔روز کی طرح اس روز بھی چچی کرشنا نے لنچ باکس تیار کرکے دیا تھا ۔دوپہر لنچ میں دونوں بچوں نے کھانا کھایا تو دونوں کی حالت نازک ہونے پر اساتذہ علاج کے لیئے اسپتال لے جارہے تھے کہ راستہ میں دونوں کی موت ہوگئ ۔ بچوں کے نانا شری ناتھ پٹیل نے پولیس کو شکایت دے کر کرشنا پر زہر دے کر قتل کا الزام عائد کیا ۔پولیس شکایت پر کرشنا کے خلاف قتل کا کیس درج کر فرد جرم عدالت میں پیش کیا ۔عدالت نے جمعہ کو مقدمہ کی سماعت کرتے ہوئے وکلاء کے استدلال سننے کے بعد شواہد کی بنیاد پر خاطی ثابت ہونے کے سبب ملزمہ کرشنا کو عمرقید و دس ہزار روپیہ جرمانہ کی سزا سنائئ ۔