اموسی ہوائی اڈے پر سیکورٹی میں کوتاہی

لکھنؤ: اموسی ہوائی اڈے پر سیکورٹی میں بڑی کوتاہی ہوئی۔ دہلی جانے والی پرواز ابھی ٹیک آف کرنے ہی والی تھی کہ وارانسی کے رہنے والے صادق حسین رن وے پر پہنچ گئے۔ کنٹرول روم سے موصول ہونے والی اطلاع پر سیکورٹی فورس (سی آئی ایس ایف) نے نوجوان کو پکڑ کر سروجنی نگر پولیس کے حوالے کر دیا۔ اس کے پاس بورڈنگ پاس، وزیٹر پاس، کچھ نہیں ملا۔ پولیس نے مقدمہ درج کرلیا۔ امن کی خلاف ورزی پر کارروائی کے بعد انہیں جیل بھیج دیا گیا۔

یہ بھی پڑھیں

اردوان ایک بار پھر ترکیہ کے صدر منتخب

تفتیش کے دوران صادق نے بتایا کہ اس کی ذہنی حالت ٹھیک نہیں ہے۔ جب تفتیشی افسران نے اس کے والد سے اس بارے میں آگاہ کیا تو انہوں نے بتایا کہ صادق کے سر میں چند سال قبل شدید چوٹ آئی تھی۔ جس کی وجہ سے اس کا دماغی توازن کچھ بگڑ گیا تھا۔ تحقیقاتی ایجنسی اس سے متعلق طبی دستاویزات حاصل کرکے تحقیقات کررہی ہے۔