حیدرآباد 2میر فراست علی باقری نیشنل کنوینر آل انڈیا شیعہ سماج نے اپنے صحافتی بیان میں بتایا کہ 28 جولائی کو صبح 10 بجے دن دیوڑھی نواب عنایت جنگ بہادر منڈی میر عالم روڈ پر آل انڈیا شیعہ سماج کے زیر اہتمام شہر حیدرآباد میں 12ویں سالانہ نیشنل کانفرنس و جشن غدیر منعقد کی جارہی ہے۔جس کی صدارت جناب سید قسیم حیدر رضوی کریں گے۔جبکہ مولانا ظفر الحسن نیشنل جنرل سکریٹری آل انڈیا شیعہ سماج’ ڈاکٹر الیاس رضوی ریٹائرڈ آئی ایف ایس و سابقہ پرنسپل سکریٹری محکمہ اقلیتی بہبود ۔حجتہ الاسلام مولانا ظفر یاب حیدر رضوی اور علامہ اعجاز فرخ کے خطابات ہوں گے۔شاعر میسم میقال جناب محمد علی وفا’ جناب آغا سروش اور شاعر صادق ال محمد علی انجم صادق منظوم نذرانہ عقیدت پیش کریں گے۔بعدازاں آل انڈیا شیعہ سماج کا وفد شہر حیدرآباد کے تاریخی عاشور خانہ جات اور درگاہوں پر بھی حاضری دے گا۔اس پروگرام میں آل انڈیا شیعہ سماج کے ممبران ملک کی دیگر ریاستوں سے شرکت کریں گے۔جناب میر فراست علی باقری نیشنل کنوینر نے شرکت کی خواہش کی ہے۔