نئی دہلی ، یکم جون : سپریم کورٹ نے منگل کو ذاتی استعمال کے لئے درآمد آکسیجن کانسینٹریٹر پر لگائے گئے غیر آئینی انٹیگریٹڈ گڈس اینڈ سروسز ٹیکس (آئی جی ایس ٹی) کو غیر قانونی قرار دینے کے فیصلے پر روک لگادی ہے۔
دہلی ہائی کورٹ کے فیصلے کے خلاف وزارت خزانہ کی جانب سے دائر اپیل کی سماعت کے دوران جسٹس ڈی وائی چندرچوڑ اور جسٹس ایم آر شاہ پر مشتمل تعطیلی بنچ نے یہ روک لگائی۔ دہلی ہائی کورٹ نے ذاتی استعمال کے لئے درآمد ش آکسیجن کنسنٹریٹر پر لگائے گئے آئی جی ایس ٹی کو غیر آئینی قرار دیا تھا۔
عدالت عظمی میں سماعت کے دوران اٹارنی جنرل کے کے وینوگوپال ، جو مرکزی حکومت کی طرف سے پیش ہوئے ، نے دلیل دی کہ ہائی کورٹ نے اپنے فیصلے کے ذریعے ایک بڑا دائرہ بنادیاہے۔
عدالت کے ذریعہ یہ پوچھے جانے پر کہ مرکز نے پہلے ہی سرکاری اداروں کے ذریعہ درآمد شد آکسیجن کنسنٹریٹر کے لئے آئی جی ایس ٹی سے چھوٹ دے دی ہے ، مسٹر وینوگوپال نے کہا کہ اس طرح کی چھوٹ کا مقصد سرکاری ایجنسیوں کے ذریعہ درآمد کردہ کنسنٹریٹر کو غریب اور نادار افراد میں تقسیم کرنا تھا۔ نجی طور پر درآمد کنسنٹریٹر کے لئے ایسا کوئی مقصد نہیں ہے۔
بنچ نے کہا کہ وزارت خزانہ نے اپنی درخواست میں منطقی سوالات اٹھائے ہیں۔ بنچ نے اپنے حکم میں کہا کہ جی ایس ٹی کونسل نے کورونا سے متعلق اشیاء پر جی ایس ٹی چھوٹ کے معاملے پر غور کرنے کے لئے وزراء کا ایک گروپ تشکیل دیا ہے اور یہ گروپ آٹھ جون کو اپنی رپورٹ دے گا لیکن ہائی کورٹ کے فیصلے نے مرکز کے ہاتھ باندھ دیئے ہیں۔
اٹارنی جنرل کے دلائل سننے کے بعد تعطیلی بنچ نے ہائی کورٹ کے فیصلے پر حکم امتناعی جاری کیا۔ ڈویژن بنچ نے متعلقہ فریق کو چار ہفتوں میں اس معاملے میں جوابی حلف نامہ داخل کرنے کا نوٹس بھی جاری کیا۔