سری نگر، 9 اپریل : جنوبی کشمیر میں دو مختلف مقامات پر سکیورٹی فورسز کی جانب سے چلائے جانے والے جنگجو مخالف آپریشنز میں انصار غزوہ الہند کے سربراہ سمیت 7 جنگجو مارے گئے ہیں۔
یہ جنگجو مخالف آپریشنز قصبہ شوپیاں کے جان محلہ اور ضلع پلوامہ کے نوبگ ترال میں چلائے گئے ہیں۔
کشمیر زون پولیس کے آفیشل ٹویٹر ہینڈل پر ایک ٹوئٹ میں کہا گیا: ‘ترال انکوائنٹر اپڈیٹ، ترال انکوائنٹر میں انصار غزوۃ الہند کے چیف امتیاز شاہ کو ہلاک کیا گیا ہے۔ آئی جی پی کشمیر نے پولیس اور سکیورٹی فورسز کو اس کامیابی پر مبارکباد پیش کی ہے۔ علاقے میں سرچ آپریشن جاری ہے۔ مزید تفصیلات شیئر کی جائیں گی’۔
Big achievement for security forces in Shopian and Tral of South Kashmir. 7 terrorists killed by J&K Police, Indian Army and CRPF in less than 12 hours without suffering any own fatalities. Entire Ansar Ghazwat Ul Hind terror group wiped out of Kashmir by forces. Kudos to SFs. 🇮🇳
— Aditya Raj Kaul (@AdityaRajKaul) April 9, 2021
اسی ٹویٹر ہینڈل پر کہا گیا کہ قصبہ شوپیاں میں جمعرات کی شام سے جاری مسلح تصادم میں مزید دو جنگجو مارے گئے ہیں جس کے ساتھ مارے جانے والے جنگجوئوں کی تعداد بڑھ کر پانچ ہو گئی ہے۔
بتایا جا رہا ہے کہ شوپیاں میں تصادم کے دوران دو فوجی اہلکار زخمی ہوئے ہیں جنہیں خصوصی علاج و معالجہ کے لئے سری نگر کے فوجی ہسپتال منتقل کیا گیا ہے۔
اسے بھی پڑھیں